မြန်မာအော်တစ်ဇင် အသင်းသည် အော်တစ်ဇင်များအပေါ် အများပြည်သူက နားလည်သိရှိရန် ရည်ရွယ်ပြီး ၂၀၁၁ ခုနှစ်မှစ၍ ကမ္ဘာ့အော်တစ်ဇင် အထိမ်းအမှတ်နေ့ အခမ်းအနားများအား နှစ်စဉ်ကျင်းပခဲ့သော်လည်း လတ်တလော ကမ္ဘာနှင့်အဝှမ်း ဖြစ်ပေါ်လျက်ရှိသော အသက်ရှူလမ်းကြောင်းဆိုင်ရာ ရောဂါ Coronavirus Disease 2019 (COVID-19) ကြောင့် ပြည်ထောင်စု သမ္မတ မြန်မာနိုင်ငံတော် နိုင်ငံတော် သမ္မတရုံးက ဧပြီလကုန်အထိ လူစုလူဝေးဖြင့် အခမ်းအနားများအား မပြုလုပ်ကြရန်

ပန်ကြားထားရာ မြန်မာနိုင်ငံရှိ အော်တစ်ဇင် အသိုင်းအဝိုင်းအပေါ် မလိုလားအပ်သည့် ကျန်းမာရေးဆိုင်ရာ ပြဿနာများကျရောက်မည်ကို ရှောင်ရှားရန်အတွက် ၂၀၂၀ ဧပြီ (၂)ရက်တွင် ရန်ကုန်မြို့ မရမ်းကုန်းမြို့နယ် မင်းဓမ္မလမ်းရှိ MCC ခန်းမတွင် ကျင်းပရန်ရှီသည့် ကမ္ဘာ့အော်တစ်ဇင် အထိမ်းအမှတ်နေ့ အခမ်းအနား (World Autism Awareness Day 2020) ကို ဖျက်သိမ်းရန် ဆုံးဖြတ်လိုက်သည်။
ထိုသို့ လူစုလူဝေးဖြင့် ပြုလုပ်မည့် အခမ်းအနားကို ဖျက်သိမ်းလိုက်သည့် အလျောက် အော်တစ်ဇင်များ တက်ရောက်လျက်ရှိသော အထူးပညာရေးကျောင်းများက မိမိတို့ ကျောင်းများအလိုက် အထိမ်းအမှတ်နေ့အား ကျင်းပလိုပါက ကျန်းမာရေး အသိဖြင့် ကျင်းပကြပါရန် နှိုးဆော်အပ်ပါသည်။
အော်တစ်ဇင်ကို ကိုယ်စားပြုသည့် အရောင်မှာ အပြာရောင်ပင် ဖြစ်ပါသည်။ သို့ဖြစ်ပါ၍ အထူးပညာရေး ကျောင်းများအနေနှင့်သော်လည်းကောင်း၊ အော်တစ်ဇင်နှင့် စပ်ဆိုင်သည့် မိသားစုများ အနေနှင့်သော်လည်းကောင်း၊ အများပြည်သူ တစ်ဉီးချင်း အနေနှင့်သော်လည်းကောင်း ဧပြီ (၂)ရက်နေ့ သို့မဟုတ် ဧပြီတစ်လလုံးတွင် မိမိတို့ နေအိမ်နှင့် အဆောက်အဉီးများတွင် အပြာရောင်မီးများ ထွန်းညှိခြင်းဖြင့် အော်တစ်ဇင်များအပေါ် နားလည်စာနာမှုကို ပြသနိုင်ပါကြောင်း အသိပေး နှိုးဆော်အပ်ပါသည်။

အမှုဆောင်အဖွဲ့
မြန်မာအော်တစ်ဇင်အသင်း